Остеоартритисот е еден од најчестите облици на дегенеративниот артритис во современиот свет. Станува збор за дегенерација на ‘рскавицата во зголобовите.
Причините за појава на остеоартритис се различни, а оние кои имаат врска со исхраната се:
- Недостаток на есенцијални хранливи состојки, како што се витамините Д, Ц, Е и Б3;
- Прекумерно производство на слободни радикали.
Комбинација 1: боровница, малини, брусница, јагоди
Бобинките се богати со флавоноиди и антиоксиданти и помагаат во заштита на клеточните оштетувања.
Совет: Земете по една шака од секои од наведените бобинки и сите заедно исцедете ги. Овој сок е многу густ, па може да се разблажи со малку вода.
Комбинација 2: кељ, брокула, никулци од грав
Сите три состојки се богати со антиоксиданти, а нивата комбинација делува на неутрализирање на слободните радикали кои предизвикуваат воспаленија.
Совет: Земете помала главица кељ, половина брокула со средна големина и шака никулци од грав. Ставете во соковник и исцедете од нив сок. Додадете малку вода и мед.
Комбинација 3: ѓумбир
Ѓумбирот содржи активни ензими и гингерол, анитинфламаторна состојка која го ублажува воспалението и го подобрува движењето на зглобовите. Сокот од ѓумбир може да биде премногу јак и лут кога се пие сам, па затоа додадете во вообичаениот сок што го консумирате парче од 2,5 сантиметри корен од ѓумбир или измешајте сок од ѓумбир со малку мед и вода. Ѓумбирот може да го додадете и во јадењата, како зачин.
Комбинација 4: морков, целер, ананас, лимон
Исцедете сок од два моркова, две стебленца целер, една шолја ананас и еден лимон,
Комбинација 5: јаболка, целер, кељ, магдонос, ѓумбир
Исцедете сок од едно зелено јаболко, едно стебленце целер, помала главица кељ, една шолја магдонос и 1,25 сантиметри ѓумбир.
