Болеста на модерното доба која убива се повеќе луѓе може да се држи под контрола со правилна исхрана и здрави животни навики. Хипертензијата е опасност за здравјето, но и животот. Ги зголемува шансите за срцев удар, но и шлог. Стручњаците им препорачуваат на луѓето да се ориентираат повеќе кон растителна исхрана, а како една од најдобрите намирници се препорачува мунго гравот, кој најчесто се користи во азиската кујна. Оваа намирница е богата со витамини, железо и протеини.
Со оглед на тоа дека влијанието на оваа намирница се уште е во процес на истражување, бидете внимателни
Истражување покажало дека овој грав може да ја инхибира оксидацијата на ЛДЛ. Научниците од тајванскиот универзитет го истражувале влијанието на овој грав и откриле дека доведува до намалување на притисокот кај глувците. Со оглед на тоа дека влијанието на оваа намирница се уште е во процес на истражување, бидете внимателни со неговата употреба и консултирајте се со лекар пред да направите промена на исхраната.
Гравот може да се приготвува во облик на пире и каша. Дозволен им е на дијабетичарите, а заради фолната киселина им се препорачува и на трудниците за нормален раст и развој на плодот. Важи за мошне хранлива мешунка, го јакне срцето и тенкото црево, а влијае и на намалување на масните наслаги во телото.
