Намирници кои го продолжуваат животниот век: Половина чаша варен спанаќ на ден и ќе бидете здрави како дрен!

Во продолжение прочитајте што треба да консумирате ако сакате да живеете подолго и поздраво

Нутриционистите предупредуваат дека само една здрава намирница вклучена во менито не прави голема разлика и не значи дека сте имале квалитетен оброк. Но затоа тврдат дека се знае кои пет намирници треба да се консумираат секој ден, ако сакате да живеете подолго и поздраво, пишува „Дејли Њуз“.

Спанаќ И Попај ги знаел неговите вредности. Помага да се намали ризикот од мозочен удар, срцеви заболувања и остеопороза. Половина чаша варен спанаќ секој ден и ќе бидете како дрен!

Јогурт Го зајакнува вашиот имунолошки систем, само внимавајте да биде со живи, активни култури.

Домати т.н. „љубовно јаболко“ е супер антиоксидант, го намалува ризикот од неколку видови на рак и е одлично во салати.

Моркови

Варени, во салата, или само како „грицки“, морковите се добри во борбата против астма и воспалителни болести, како што е артритисот. Исто така, помагаат и во спречување на ракот

Боровинки Полни се со витамин Ц, кој создава колаген и помага да се одржат здрави непцата. Исто така, добри се за имунитетот и помагаат при слаба меморија.