Одделни намирници во поголеми концентрации содржат антиоксиданти кои го штитат организмот од штетното дејство на слободните радикали и на тој начин го забавуваат процесот на стареење. Благотворното дејство на овие важни нутритиенти меѓудругото може да се види и на најголемиот човеков орган – кожата.
- Брокули – обилуваат со антиоксиданти и антинфламаторни состојки, меѓу кои е и витаминот Ц кој е неопходен за производство на колаген. Колагенот го подобрува изгледот на кожата и ја зголемува нејзината еластичност.
- Спанаќ – богат е со витамини А, Ц и Е, кои делуваат како антиоксиданти, потоа витамин К, магнезиум и железо. Витаминот К ги ублажува воспалителните процеси во организмот, додека витаминот А придонесува за поубав изглед на кожата и косата.
- Поточарка – билка за чиј нутритивен состав се повеќе се зборува. Претставува одличен извор на калиум, манган, железо, калциум, фосфор, како и витамини од Б-комплексот и витамини А, Ц и К. Оваа билка содржи горчливи соединенија кои играат важна улога во зајакнување на природните одбранбени механизми на организмот и во превенцијата од карцином.
- Боровинки – изобилуваат со антоцијанини кои се познати токму по своето антиејџ дејство. Овие антиоксиданти ја поттикнуваат заштитата на кожата од штетното влијание на сончевите УВ зраци, загадувањето и стресот, додека истовремено го спречуваат губењето на колагенот.
- Калинка – богата е со витамин Ц, како и пуникалагини – антиоксиданти кои помагаат колагенот да се задржи во кожата.
- Авокадо – обилува со масни килограми кои ги ублажуваат воспаленијата и поволно влијаат на изгледот на кожата. Содржат и други состојки кои ги спречуваат негативните ефекти на процесот на стареење, како што се витамините А, Ц, Е и К, витамини од Б-комплексот и калиум. Каротеноидите во авокадото помагаат во превенцијата од оштетувањата кои настануваат како резултат на штетното сончево УВ зрачење.
- Јаткасти плодови (особено бадемите и оревите) содржат витамин Е и омега-3 масни киселини кои ја потпомагаат регенерацијата на кожата и одржувањето на хидролипидната бариера, како и задржувањето на влагата на кожата. На овој начин јаткастите плодови придонесуваат за подобар и поздрав изглед на кожата.
