Намирници за витка линија по рецептот на Џенифер Анистон: Финтата е во овој појадок!

Холивудската актерка во петтата деценија изгледа одлично, а сега открила и со кои намирници ја одржува витката линија

Џенифер Анистон е поборник на здравата храна и со нејзина помош всушност и ја одржува својата витка линија. Актерката неодамна открила кои се четирите намирници кои ги консумира секојдневно и кои во секој момент се наоѓаат во нејзиниот фрижидер.

„Секогаш имам артичоки кои се одлични и кога се ладни. Ги „макам“ во сенф. Тоа е одличен и здрав оброк. Обавезно во фрижидерит имам и зеленчук како што се целерот и краставиците. Тоа се освежителни и крцкави грицки кои ги сакам“, вели Џенифер.

Во едно интервју актерката открила и што најчесто јаде кога ќе се разбуди наутро.

„Веднаш пијам топла вода со лимон. Потоа јадам јајца со авокадо. Тоа е едно од моите омилени јадења“, рекла Анистон.  

Јајцата и авокадото се одлична утринска комбинација од намирници кои ја даваат сета потребна енергија за почеток на денот. Можете да ги приготвите на повеќе начини, а еден од попопуларните е кајгана со авокадо. 

  • Пригответе ја кајганата како што тоа го правите вообичаено;
  • Потоа во неа додадете авокадо исечкано на коцки;
  • Можете и малку да го изгмечите со јајцата за да ги поврзете сите намирници.

Исто така, можете да сварите јајца или, пак, да ги поширате, па да ги јадете во додаток со авокадо зачинето со малку бибер и маслиново масло. „Пирето“ од авокадо кое едноставно и лесно можете да го направите со помош на миксер одлично се комбинира со јајце на око.