Напитоци за брз детокс после бурна ноќ

Во неделите кои ни претстојат не очекуваат многу прослави, а со нив, секако, доаѓаат и шансите дека во одредени денови ќе претераме со храната и пијалаците.

За полесно и побрзо да се „опоравите“ една од главните препораки е внесување повеќе вода, природно цедени сокови и растителни чаеви, како и одбегнување алкохол и напитоци со кофеин. Исто така, можете да пробате и со некои од двата освежителни напитоци чии рецепти следуваат во продолжение.

 

Зелен детокс шејк – за 2 порции ви треба:

 

1 краставица, 1 зрела банана, 1 јаболко, рака листови спанаќ, 1 дцл бадемово или овесно млеко, 1дцл зелен чај, сок од еден лимон. Сите состојки добро измешајте ги во блендер и веднаш испијте. За дополнителна доза хлорофил, кој ја поттикнува детоксикацијата на организмот и има антиканцерогено дејство, во состојките за шејкот можете да додадете и 2 лажички спирулина во прав.

 

 

 

Чај од ѓумбир со лимон и мед

 

Овој напиток брзо ќе го смири стомакот и ќе го поттикне варењето. За 2 чаши потребен ви е свеж ѓумбир (парче од 2,5 см), 2 лажички лимонов сок, мед и половина литар превриена вода. Ѓумбирот излупете го и изрендајте го во сад, додадете ги сокот од лимонот, па прелијте со врелата вода. Варете уште десетина минути на умерен оган. Оставете го чајот да се излади малку, процедете го и додадете мед по желба. Овој чај уште помага и при настинки така што го смирува грлото и ги чисти синусите.