Откако ќе наполните 40 години, ризикот од срцеви заболувања и рак се зголемува. Исто така, голем број на автоимуни болести, како ревматски артритис, лупус, Кронова болест, целијакија и мултиплекс склероза најчесто се јавуваат кај жените почнувајќи од 40-те години.
„Најголем проблем е побавниот метаболизам и хормоналните промени“, вели нутриционистката Фелиција Столер.
Експертите објаснуваат дека промената на исхраната или замената на некои секојдневни намирници е доволно за да се намали ризикот од заболувања.
Малини
Проблемите со цревата и варењето на храната се случуваат главно во средна доба, а нутриционистката напоменува дека причина за тоа е помалиот внес на хранливи влакна.
Возрасните лица внесуваат помалку од 10 грама влакна дневно, додека препорачаната доза е 20-40 грама.
Малините се кралска храна што се однесува до влакна.
Варени домати
Истражувањата покажале дека доматите, освен што содржат бета-каротен, содржат и антиоксидант ликопен, кој е добар во борбата против ракот. Варените домати му помагаат на телото да апсорбира повеќе здрави антиоксиданти, кои го бранат организмот од слободните радикали.
Ореви
Изборот на прави масни киселини може да го намали ризикот од развој на дијабетес. Посебен вид се наоѓа во оревите, а помага да се спречат разни болести на срцето и крвта.
Маслиново масло
Растителните масла се извор на здрави масни киселини, а истражувањата покажуваат дека тоа се истите киселини кои го намалуваат ризикот од дијабетес.
Авокадо
Здравите масти се еден од најдобрите начини за контрола на апетитот, а авокадото е извор на овие хранливи материи. Можете да го подготвите на различни начини.
Лосос
Лососот е една од главните состојки на медитеранскиот начин на исхрана, кој се смета како еден од најправилните кои постојат. Хранливите материи со кои изобилува се одлични за здравјето на срцето и крвните садови.
Кељ
Кога станува збор за здрави хранливи материи, кељот ги има неколку, а можеби најкорисно е тоа што е богат со алфа-липоична киселина (АЛА), антиоксидант, кој му помага на телото да ја промени гликозата во енергија и го одржува нивото на шеќер во крвта. Истражувањата ја поврзаа ALA со пониски стапки на дијабетес, мозочен удар, глауком и други болести.
