Истражувачите користат машинско учење за да предвидат оштетувања на срцето кај болниот од КОВИД-19. Како што пишува Универзитетот Џон Хопкинс на својата официјална страница, со проектот во следната година ќе се собираат податоци за срцата на заболените од КОВИД-19 за да се создаде модел кој го предвидува ризикот од разни болести на срцето, вклучувајќи и инфаркт. Со тоа, се надеваат стручњаците, ризикот од можни инциденти би можел да се предвиди 24 часа порано.
“Така клиничките лекари навреме би можеле да се подготват за интервенција и поквалитетно да ги распределат ресурсите со кои располагаат“, се надева проф. Наталија Трајанова, главен истражувач на проектот.
Оваа вест се поклопува со онаа дека коронавируот всушност може да биде болест на крвните садови, што би ги објаснило низата заеднички симптоми на заразата.
Имено, крвните згрутчувања воочени се како еден од многуте мистериозни симптоми кои се препишуваат на КОВИД-19. Потоа пристигнаа известувања за смрт кај заразени млади пациенти поради мозочен удар. На крајот почна да се зборува и за појава на црвени и виолетови ножни прсти.
На сите тие симптоми спојка е пореметување на циркулацијата на крвта. Ако на тоа се додаде и фактот дека 40% од смртноста кај КОВИД-19 е поврзана со кардиоваскуларни компликации, болеста се повеќе потсетува на вид на васкуларна, а не само респираторна инфекција.
Се е поголем бројот на докази кои ја поткрепуваат теоријата дека новиот коронавирус може да ги зарази крвните садови, пишува Elemental Plus. Тоа може да го објасни не само високата преваленција (предоминација) на крвните згрутчувања, мозочниот и срцевиот удар, туку и низа симптоми кои се појавуваат од глава до петои кај заболените.
“Сите овие компликации поврзани со новиот коронавирус беа мистерија: згрутчувања на крвта, оштетувања на бубрезите, воспаление на срцето,мозочни удари, отекувања на мозокот… Навидум низа на неповрзани појави која обично не се гледа при САРС или H1N1, или кај повеќето заразни болести“, вели Вилијам Ли, претседател на Фондацијата за ангиогенеза.
“Испаѓа дека се работи за васкулотропен вирус кој влијае на крвните садови“, вели Мандип Мехра, шеф на коронарниот оддел на болницата при Универзитетот Харвард.
Во трудот, објавен во научното списание The Lancet, проф. Мехра и тим научници откриле дека вирусот SARS-CoV-2, може да ги зарази ендотелните клетки во крвните садови. Тие клетки го шититат кардиоваскуларниот систе, и ослободуваат белковини кои влијаат на се, од згрутчувањето на крвта со имунолошкиот одговор.
Се смета дека SARS-CoV-2 влегува во телото преку рецепторите АСЕ2, присутни на површината на клетката, и оди во дишните патишта. Од белите дробови, потоа се шири во крвните садови, исто така богати со ACE2 рецептори.
Респираторни вируси кои инфицираат крвни клетки и циркулираат низ телото не се баш вообичаени.
Вирусите на грипот, како H1N1 не се познати по тоа, а ниту изворниот вирус САРС не се ширел низ белите дробови. Други видови вируси, како што се ебола или денга, може да ги оштетат ендотелните клетки, но се многу различни од вирусите кои обично ги инфицираат белите дробови.
“Разликата помеѓу SARS и SARS-CoV-2, веројатно произлегува од дополнителниот протеин кој секој од вирусите треба да го активира и шири“, смета микробиологот Бенхур Ли. Дополнителниот протеин на изворниот SARS е присутен само во белодробното ткиво, но протеинот за активација на новиот коронавирус SARS-CoV-2 е присутен во сите клетки, посебно во ендотелните клетки.
Инфекцијата на крвните садови би објаснила многу чудни тенденции на новиот коронавирус, како висока стапка на згрутчувања во крвта, кардиоваскулани оштетувања и навидум спонатни срцеви удари кај заболените од КОВИД-19.
Оштетувањата на крвните садови исто така би можеле да објаснат и зошто лицата со веќе постоечки состојби, како крвен притисок, висок холестерол, дијабетес и срцеви болести, се изложени на поголем ризик од тешки компликации на делувањето на вирусот кој би требало да ги зарази само белите дробови. Сите овие болести предизвикуваат дисфункција на ендотелните клетки, а дополнително оштетување н воспаление во крвните садови предизвикани од инфекцијата, може само да ја влошат состојбата и да предизвикаат посериозни проблеми.
