Американски научници ја откриле горната граница на човечката издржливост – тогаш потрошувачката на енергија е за 2,5 пати поголема од основниот метаболизам. Тие ги истражувале спортистите кои се занимаваат со екстремни спортови и кои пет месеци трчале низ САД. Според експертите, по така високата граница луѓето се единствени меѓу приматите. Тоа е нешто, додаваат тие, што сме го наследиле од ловците во текот на два милиона години.
Истражувачите велат дека границата на човечката издржливост се мери во однос на основниот метаболизам – станува збор за количина на калории кои телото ги согорува во минута, за да функционира во мирување.
Во екстремните дисциплини како триатлон или маратон, луѓето може да ја зголемат потрошувачката на енергија пет или дури и десет пати над метаболичката потрошувачка во мирување, но накратко.
Научниците следеле пет мажи и една жена за време на трчање низ САД, кога тие претрчале 5.000 километри од Лос Анџелес до Вашингтон. Сите тие губеле на телесна тежина и трошеле внатрешна енергија, побрзо отколку што ја надоместувале. Научниците забележале дека луѓето може да произведат околу 4.000 калории дневно, кои можат да ги потрошат. Испитаниците внесувале по осум литри вода дневно и трошеле околу 6.000 калории. Но, научниците објаснуваат дека ако трошите над 4.000 калории, секој ден губите на тежина, така да тоа долгорочно не е одржливо.
