Не ги фрлајте семките од вишните – имаат лековита моќ!

Сезоната на вишни е во полн ек. За лековитите својства на ова овошје сите знаеме, особено за нивното дејство врз кардиоваскуларниот систем. Но, дали знаете колку се моќни семките на вишните?

Сигурно многу од нас се навикнати да ги фрлаат семките од вишни, а тоа е голема штета. Со малку труд, од нив може да направите лековити перничиња кои ги ублажуваат болките во зглобовите и помагаат да се изборите со нервозата и со стресот. Влакната кои го прават јадрото на вишната одлично ја задржуваат топлината и се ладат, па овие перничиња можат да ви заменат термофор, но и ќеси со мраз.

Загреано перниче од семки од вишни ја намалува напнатоста во мускулите, грчевите во стомакот, болките во вкочанетиот врат, хроничен цистит… Од друга страна, оладеното перниче помага во случаи на истегнат мускул, модринки, забоболка, главоболка, мигрена…

Како да го направите перничето

Искористените семки добро измијте ги, распоредете ги на послужавник и сушете ги неколку дена на воздух, но не на директно сонце. После тоа, ставете ги во ленена, памучна или свилена вреќичка и формирајте перниче по желба, како ви одговара. Полукружното перниче е идеално за држење околу врат, додека правоаголното за останатите делови од телото. Перничето наполнете го со 300-400 суви семки (тоа е отприлика шест-седум килограми свежи вишни), сошијте го и може веднаш да го користите. Интересно е што ваквото перниче може да го користите со години, а нема да го изгуби своето својство.

СОВЕТ: Најдобро е да направите навлака за перничето со копчиња со оглед дека самото перниче со семки од вишни не треба да се пере.

Важно е да се напомене дека ова перниче е целосно безбедно за сите возрасти и се употребува секогаш на чиста кожа ако се става директно. Може да послужи на три начини:

Незагреано (собна температура) – се користи како ортопедско перниче. Лежејќи на него лесно се стабилизира положбата на главата и на вратот, со што се подобрува циркулацијата во мозокот и се нормализира сонот.

Загреано (се грее на парно, во рерна осум до 10 минути на 80 степени Целзиусови или во микробарнова печка од 30 секунди до максимум две минути). Пред користење оставете го малку да се олади. Загреаното перниче има пријатен мирис.

Разладено (перничето се става во замрзнувач еден до два часа). Може да се користи во секоја ситуација за која ви е потребна ладна облога.