И децата може да имаат мигрена, иако ја чувствуваат поинаку од возрасните.
Возрасните најчесто ја чувствуваат мигрената како болка на едната страна од главата, додека многу деца погодени од мигрена се жалат дека ги боли целата глава.
Според Германската асоцијација на педијатри, многу деца се жалат и на пулсирачка и силна болка во областа на слепоочниците.
Таканаречената фаза аура или перцепциски нарушувања поврзани со мигрената кај децата е, за среќа, ретка појава.
Педијатрите советуваат да се води „дневник на главоболки“ за да се откријат предизвикувачите на нападите на мигрена.
Многу спиење и уреден дневен ритам се добра превенција, а за децата со мигрени, особено е важен добриот појадок, истакнуваат експертите.
