Њујорк ја забрани продажбата на популарниот производ, сладолед од темно чоколадо во кој се додава активен јаглен. Токму оваа состојка, која многу слаткари ја додаваат во сладоледот заради црната боја, може да предизвика запек и да ја намали ефикасноста на лековите.
Особено популарен е црниот сладолед со вкус на кокос од слаткарницата од Њујорк „Morgenster`s“, но и црните палачинки со додаток на акаи бобинки.
Лекарите објаснуваат дека малата количина на активен јаглен кој се консумира преку сладоледот, не би требало да претставува закана по здравјето
Но, од Градската канцеларија за здравство, пристигнала забрана која во Њујорк ќе фрли илјадници и илјадници долари инвестиции по предупредувањето дека потрошувачката на храна со активен јаглен може да предизвика проблеми со варењето на храната, намалување на ефикасноста на лековите и контрацептивните таблети.
Активен јаглен
Она што и претходеше на целосната забрана за употреба на активен јаглен е петицијата која за две недели ја потпишаа 20 000 граѓани на овој американски град, иако лекарите објаснуваат дека малата количина на активен јаглен кој се консумира преку сладоледот, не би требало да претставува закана по здравјето.
„Ако секој ден јадете сладолед со активен јаглен може поради зголемената количина на таа состојка во вашиот организам да имате одредени здравствени проблеми, но ако јадете еднаш месечно, тоа нема да влијае ниту на ефективноста на контрацептивните апчиња, ниту на запекот“, изјавила Алиса Двек, гинеколог. „Ризик постои, но не и во малите дози“.
