ОБРНЕТЕ ВНИМАНИЕ НА 6 ВАЖНИ СИМПТОМИ: Овој опасен рак се повеќе се открива кога е веќе доцна

Зголемувањето на бројот на новооткриени пациенти може да е последица на неодењето на закажни прегледи.

Нова студија донесе загрижувачки податоци кои велат дека е зголемен бројот на новооткриени карциноми на дојка и рак на дебелото црево во доцна фаза од развојот ан болеста, додека е забележан пад на нови дијагнози во рана фаза на болеста, а тој тренд може да биде директно поврзан со пандемијата со КОВИД-19.

Резултатите од студијата се објавени минатата недела во стручното медицинско списание JAMA Network Open, а податоците се собрани од страна на 522 лица кои го посетиле Центарот за рак при Универзитетската болница во Сан Диего во периодот од 2019 до 2020 година. Иако вкупниот број на сите дијагнози на карцином бил сличен во тие две години, имало поголем процент на дијагнози на рак во подоцна фаза од болеста во 2020 година, во екот на пандемијата.

Така, во 2019 година, рак на  кај 64% од случаите е дијагностициран во прва фаза, а помалку од 2 отсто е откриен во четвртата, последна фаза. Но, следната година, работите се промениле, по почетокот на пандемијата само 51 отсто од сите нови случаи на рак на дојка биле откриени во прва фаза, додека 6,2 отсто биле откриени во последна фаза. Сличен тренд е забележан и кај ракот на дебелото црево: ако се споредат 2019 и 2020 година, откривањето на рак во првата фаза е намалено од 17,8 отсто на 14,6 отсто, додека во четвртата фаза има зголемување од 6,7 отсто на 19,5.

Авторите на студијата веруваат дека ваквите резултати би можело да се поврзат со затворање на институциите во текот на пандемијата.

“Нашата студија е дизајнирана да го следи бројот на дијагнози и фази во кои се дијагностицира болеста, така што не знаеме точно зошто дошле до такви резултати. Лично, јас сум загрижен затоа што мислам дека голем број луѓе избегнуваа или ги одложуваа рутинските прегледи за време на пандемијата. Тоа вклучува прегледи како мамографија или колоноскопија, а се избегнуваше да се оди во болница поради страв од инфекции со вирусот. Последните стадиуми на болеста со кои се соочуваме сега би можеле да се забележат на самиот почеток доколку се направи преглед, а тоа би овозможило успешно лекување“, вели еден од авторите на студијата, онкологот д-р Карин Голф од болницата во Сан Диего.

Симптоми на рак на дебелото црево

Ракот на дебелото црево е многу тивка болест која може да се развива во телото со години без видливи знаци. Но, ако се појават некои од симптомите како оние наведени подолу, веднаш консултирајте се со вашиот лекар бидејќи овие симптоми треба да се сфатат сериозно. Вашиот лекар треба да биде запознаен со вашите симптоми и да ве води низ следните чекори.

СИМПТОМИ КОИ УКАЖУВААТ НА ВАЖНОСТА ОД БРЗ ПРЕГЛЕД:

  1. Видливо крварење во столицата
  2. Промена на начинот на празнење на цревата (наизменична појава на запек и пролив, црна столица, тенка столица)
  3. Чувство на нецелосно празнење на цревата
  4. Појава на необјаснива анемија
  5. Повторувачка болка во стомакот и карлицата и/или
  6. Ненамерно намалување на телесната тежина