Нискокалорични, а богати со хранливи материи. Во составот на морковите особено се истакнуваат каротеноидите (најпознат е бета-каротен или провитамин А, кој на морковот му дава портокалова боја), природни чувари на видот и кардиоваскуларниот, респираторниот и имунолошкиот систем. Морковите се богати со витамини Б, Ц, Д, Е и К и калиум, магнезиум, пектин… Овој пат ви ги препорачуваме во форма на сок од моркови. Еве ги неговите здравствени придобивки…
- Помага во варењето на храната
Ако имате дигестивни проблеми, сокот од морков може да помогне. Богат е со влакна што е важно за здраво варење на храната.
- Го забавува процесот на стареење на кожата
Стареењето не можете да го запрете, но можете да го успорите со изборот на храна, благодарение на содржината на антиоксиданти кои помагаат во регенерација на клетките.
- Го намалува ризикот од мозочен удар
Мозочниот удар често доаѓа без предупредување. Намалете го ризикот со консумирање на бета-каротен од сокот од моркови.
- За сјајна кожа
Сокот од моркови е богат со антиоксиданти и витамин А, што е одлично за заштита на кожата од УВ зрачење, кое е одговорно за создавање на брчки и сува кожа.
- Го намалува ризикот од срцеви заболувања
Здравата исхрана може да помогне да се намали ризикот од срцеви заболувања, а сокот од моркови и тука е од голема помош. Го намалува нивото на оксидативниот стрес и помага во заштита од болести на срцето благодарение на содржината на антиоксиданти, кои помагаат и во намалување на холестеролот.
- Добар е за забите
Сокот од моркови е, исто така, одличен и за вашите непца, а помага и во отстранување на плакот од забите.
