Освен што за време на жештините помага за надоместување на загубените течности, лубеницата истовремено ќе обезбеди и мноштво витамини, минерали и антиоксиданти. Добро е да се знае и дека во 100 г лубеница има само нешто повеќе од 30 калории.
Лубеницата претставува добар избор на бета каротен кој во организмот се претвора во витамин А – 100 г лубеница ни обезбедуваат 570 ИЕ витамин А (11% од препорачаната дневна доза). Витаминот А е важен за здравјето на кожата и косата и е неопходен за производство на себум кој ја штити кожата и косата од дехидратација.
Лубеницата содржи и витамин Ц, кој има важна улога во производството на колаген. Благодарение на високото количество на вода во себе (дури 90 отсто) придонесува за хидрирање на целиот организам што како резултат има поубав изглед на кожата и косата.
Исто така, изобилува со антиоксидантликопен (4532 мкг во 100 г). и го содржи повеќе од доматот кој инаку е познат како негов одличен извор. Една студија покажала дека високото количество на ликопен во исхраната би можел да го намали ризикот од срцеви заболувања. На кардиоваскуларното здравје поволно влијаат и цитрулинот и аргининот од лубеницата – две аминокиселини кои ја подобруваат циркулацијата, го намалуваат нивото на холестерол во крвта и спречуваат таложење на плак во артериите.
