Во една студија во која учествувале 48 лица со средно покачен холестерол, сите учесници добиле совети за начинот на исхрана и другите животни навики, со цел регулирање на нивото на холестерол во крвта. Две третини од учесниците, исто така, после секој оброк добивале масло од оригано. После три месеци, учесниците кои земале масло од оригано имале понизок ЛДЛ (лош холестерол), а повисок ХДЛ (добар) холестерол, отколку испитаниците кои не го добивале овој додаток.
Освен во регулирањето на холестеролот маслото од оригано, исто така, може да се користи и за ублажување на респираторни инфекции и зајакнување на имунитетот. На пример, може да се користи за парни инхалации: во сад со 200 мл провриена вода додадете 3 капки масло од оригано и вдишувајте ја пареата 10 минути.
Маслото од оригано, исто така, ги ублажува и болките во грлото, а помага и при гастроинтестинални пореметувања, предизвикани од зголемено ниво на кандида во цревата. Одлично е и во борбата против кожни проблеми, како што се акните и првутот.
