Ова се нутритиентите кои ги намалуваат шансите за појава на алергија на храна

Научниците заклучиле дека со зголемување на внесот на влакна и витамин А би можеле да превенираме алергии на храна, како и појава на други воспалителни процеси

Резултатите од една неодамнешна австралиска студија сугерираат дека исхраната богата со витамин А и диететски влакна би можела да ја измени цревната микрофлора и на тој начин да ја спречи појавата на алергија на храна.

Дури 90 отсто од случаите на овие алергии се однесуваат само на 8 видови намирници – во прашање се алергија на кикиритки, јаткасти плодови, јајца, млеко, пченица, соја, риба и морски плодови. Во последните децении бројот на личности алергични на одделни намирници се повеќе расте, а причината за оваа појава не е сосема јасна.

Факт е дека во споредба со нашите предци ние јадеме многу повеќе шеќери и масти, а недоволно влакна. Имајќи го предвид овој податок, како и резултатите од истражувањата врз животните научниците заклучиле дека со зголемување на внесот на влакна и витамин А би можеле да превенираме алергии на храна, како и појава на други воспалителни процеси.

Сепак, бидејќи сериозноста на симптомите на алергии варира од личност до личност, обавезно консултирајте се со лекар пред усвојување на нови прехранбени навики и евентуална проверка на нивното влијание.