Овошјето во исхраната на бебињата: Кога и како да воведете цреши во менито на бебето  

Сочните и вкусни цреши се преполни со нутритиенти кои се важни за правилниот раст и развој, а еве и кога и како им се даваат на бебињата

Црешите содржат многу важни нутритиенти, само една шолја свежи цреши содржи 20 мг калциум. Заради количеството на хранливи вредности кое го имаат црешите се вбројуваат во намирници кои ги нарекуваме супер храна. Особено се препорачливи за децата, а заради својата впечатлива боја, а потоа и вкус, брзо стануваат омилено овошје кај децата.

Кога црешите се воведуваат во детската исхрана?

Во исхраната на бебињата може да почнат да се воведуваат од осмиот месец. Доколку посакате на вашето бебе да му ги дадете и порано, обавезно консултирајте се со вашиот педијатар. Црешите не спаѓаат во високоалергенски намирници, но содржат мошне дебела кожичка, па заради тоа дигестивниот тракт на вашето бебе не може го свари ова овошје пред осмиот месец.

Нутритивна вредност во едно филџанче цреши (225 г)

Витамини:

  • Витамин А – 74 IU
  • Витамин Ц – 10.8 мг
  • Витамин К – 3.2 мкг
  • Фолат (важен за време на бременоста) – 4.7 мкг

Исто така, содржат и ниацин, таимин и траги од други витамини.

Минерали:

  • Фосфор – 32 мг
  • Магнезиум – 17 мг
  • Калциум – 20 мг
  • Железо – 0.55 мг

Содржат траги од црнк, манган и бакар.


Пролетни кашички: Вкусни оброци од цреши за вашето малечко

 

Пире од цреши

Потребно

  • 200 г исчистени цреши
  • 1 шолја вода

Начин на приготвување: Во тенџере ставете ја водата и додадете ги црешите, оставете да провријат. После 20 минути или кога црешите ќе бидат меки тргнете ги од огнот и оставете ги да се оладат. Испасирајте се во блендер.

Овесна каша со цреши

Потребно

  • 1 1/2 шолја сварени овесни снегулки
  • 1/4 шолја пире од цреши

Начин на приготвување: Измешајте ги овесните снегулки и пирето од цреши. Мешајте или пасирајте се додека не ја добиете саканата густина.

Каша со цреши и сирење

Потребно:

  • 1/2 шолја исчистени цреши
  • 1 шолја младо сирење

Начин на приготвување: Во стаклен сад ставете ги црешите, потоа загрејте ги во микробранова печка на околу 30 секунди или на шпорет. Испасирајте ги, односно пасирајте ги додека не станат сочни. Посипете ги со сирење и сервирајте ги, ако е потребно сирењето иситнете го за да може вашето малечко да го јаде.

СОВЕТ: Според мислењето на педијатрите ова вошје не би требало да се воведува во исхраната на вашто бебе пред осмиот месец.