Појадокот е обавезен!

Редовниот утрински оброк го буди метаболизмот, ја контролира телесната тежина и спречува дебелина

Иако многумина не појадуваат, стручњаците сметаат дека е тоа исклучително лоша навика која треба да се менува. Редовниот утрински оброк го буди нашиот метаболизам, ја контролира телесната тежина и спречува дебелина.

Верувале или не, поттикнува симнување на вишокот килограми, односно влијае на намалување на апетитот. Истражувањата покажале дека луѓето кои појадуваат имаат помалку килограми од оние кои не јадат наутро, а немаат ни проблем со надуеност и варењето. Редовниот појадок го одржува шеќерот во крвта на соодветно ниво, особено кај дијабетичарите и спортистите. Утринскиот оброк има значително место во превенцијата на болести на срцето и крвните садови, како и висок крвен притисок.

Особено е важно редовниот и правилен режим на исхрана да се воспостави кај децата, за уште во детството да стекнат навика здраво да се хранат и правилно да растат и да се развиваат. Инаку, здрав појадок подразбира овошје или зеленчук (извор на витамини), млеко, сирење или јогурт (калциум) и јаглехидрати (извор на енергија).