Циметот освен што се користи при проблеми со варењето, инфекции на бубрезите, настинка, грип, хипертензија и дијабетес, тој успешно помага и во “убивањето“ на желбата за слатко. Циметот, според нутриционистите,е квалитетна алтернатива наспроти нездравите и строги диети кој помага во намалување на килограмите и потребата за благи работи.
Само половина лажчка цимет дневно ја намалува количина на шеќер во крвта, како и на триглицеридите и холестеролот кај лицата кои боледуваат од дијабетес тип 2. Истовремено ги опушта мускулите и зглобовите, спречувајќи појава на воспаленија, а ја стимулира и циркулацијата на крвта и работата на нервниот систем.
Половина лажичка цимет може да додадете во кафето или чајот, а може да се додаде и во овошни салати.
Постојат неколку видови на цимет, но најлековит е цејлонскиот (Cinnamomum verum). Во продавниците најчесто се продава кинески цимет (Cinnamomum cassia). Циметот е полн со антиоксиданти неопходни за телото во борба против слободните радикали кои го оштетуваат, па така го успорува стареењето и штити од многу болести.
