Стресот можете да го ублажите и на природен и вкусен начин, односно со помош на одредени намирници кои со сигурност ќе ви го подобрат расположението.
Портокали
Агрумите како портокалите и мандарините содржат високо количество на витамин Ц, кој се покажал како корисен во борбата против стресот. Зголеменото ниво на витамин Ц може да го намали нивото на кортизол, хормонот на стрес, како и крвниот притисок кој може да се зголеми како резултат на подолготрајни стресни ситуации.
Јаткасти плодови
Бадемите, ф’стаците и оревите се богати со омега-3 масни киселини кои го намалуваат нивото на стрес и истовремено штитат од депресија.
Овесна каша
Не само што е здрав појадок кој ќе ве засити, туку овесната каша има удел и во намалувањето на нивото на хормонот на стрес во организмот. Исто така, може да го зголеми и нивото на серотонин, хормонот на среќа.
Темно чоколадо
Освен што е одличен деликатес, може да направи чуда кога е во прашање расположението. Го ублажува стресот и кај лицата кои страдаат од анксиозност.
Чај од камилица
Ако споменатите намирници не ви се од голема помош, обидете се со чај од камилица. Оваа топла напивка го ублажува стресот и смирува.
