Истражувањата покажале дека вртоглавица барем еднаш во животот ја почувствувале 40 % од лицата постари од 40 години, а двапати почесто ги погодува жените отколку мажите.
Вртоглавицата не е болест, туку симптом кој упатува на пореметување на работата на центарот за рамнотежа. Може да трае неколку минути, неколку часа, но и повеќе денови.
Тригер за појава на вртоглавица може да биде нагло станување од лежечка положба, нагли движења со главата, анемија, дехидрација и низок крвен притисок, а во некои случаи може да биде индикатор за сериозни проблеми како повреди на главата и на вратот, мозочен удар или тумор на мозокот. Во некои случаи може да биде и индикатор на некои сериозни проблеми, како што се повреда на главата и вратот, мозочен удар или тумор на мозокот. Ако вртоглавицата е проследна со симптоми како што се притисок во градите, силни главоболки, мачнини или проблеми со говорот, задолжително посетете лекар.
Природни средства против вртоглавица
- Чај од ѓумбир – Овој популарен зимски напиток ја ублажува мачнината и го зајакнува целиот организам, а одлично помага и при вртоглавица. Во топла вода додадете парче свеж ѓумбир и оставете да стои пет минути поклопено. Ако не го сакате вкусот на самиот ѓумбир, засладете со малку мед. Пијте дневно по две шолји од овој напиток.
- Млеко со бадеми – Бадемите содржат витамин Б и Е, антиоксиданти кои помагаат при мачнини и вртоглавици. Во филтрирана вода ставете неколку бадеми да отстојат преку ноќ. Нареден ден измиксирајте ги заедно со шолја млеко и испијте ги.
- Храна богата со витамин Ц и други антиоксиданти – Продукти кои помагаат при вртоглавица, секако, се оние кои изобилуваат со антиоксиданти. Затоа почесто јадете зелен лиснат зеленчук, свежо овошје, авокадо и банана и оброците пополнете ги со здрави масти, како маслиново и кокосово масло. Внесувајте и овошје богато со витамин Ц, како цитруси и киви.
- Хидратација на организмот – Дури и блага дехидрација може да доведе до промена на крвниот притисок и да предизвика вртоглавици. За да се спречи тоа, важно е на организмот да му се обзбеди доволна количина на течности. Пијте што повеќе вода и чаеви, но избегнувајте алкохол и засладени газирани напитоци бидејќи може да ја влошат вртоглавицата.
