Американската агенција за храна и лекови соопшто дек одредени примероци ситаглиптин, соединение во лековите за дијабетес Januvia и Janumet на компанијата Мерк се контаминирани со можни канцерогени материи.
Агенцијата соопшти дека привремено ќе му дозволи на Мерк да ги дистрибуира лековите со ситаглиптин кои содржат поголема од прифатливата количина нечистотијата Nitroso-STG-19, позната и како NTTP, за да се избегне недостиг, пренесува Ројтерс.
Мерк информираше дека ги известила властите за откритието дека некои серии од лекот содржат нечистотии и дека спровеле дополнителни контроли на квалитетот за да се осигура дека неговите лекови ќе ги исполнат привремените прифатливи граници.
“Остануваме уверени во безбедноста, ефикасноста и квалитетот на нашите лекови што содржат ситаглиптин“, изјавија од Мерк, напоменувајќи дека не се очекува значително влијание врз снабдувањето.
NTTP припаѓа на видот на нитрозамин соединенија, од кои некои се класифицирани како веројатни или можни канцерогени за луѓето, врз основа на лабораториски тестови, соопшти агенцијата.
Научниците од Агенцијата го процениле ризикот од изложеност на NTTP на привремено прифатливо ниво на внес до 246,7 нанограми дневно и утврдиле дека тоа претставува минимален дополнителен ризик од карцином во споредба со доживотното изложување на NTTP на ниво од 37 нанограми дневно.
Во последниве години, некои производители на лекови мораа да повлечат некои серии лекови, како што е антипушачкиот третман на Pfizer – Chantix, и престанаа да продаваат други како што е ранитидин за лекување на жиговина, кој често се продава под брендот Zantac, поради присуството на нитрозамини.
Нитрозамините се вообичаени во водата и храната, вклучувајќи суво и месо од скара, млечни производи и зеленчук. Изложеноста на нечистотии над прифатливите нивоа во подолг временски период може да го зголеми ризикот од рак.
