Новото истражување на американските и француски научници покажало дека растителните извори на протеини се многу поздрави за срцето од оние кои доаѓаат од месото, пренесува магазинот „International Journal of Epidemiology“.
Студијата на научниците од Универзитетот во Калифорнија „Лома Линда“ и државниот Институт за агрономски истражување во Париз покажале дека луѓето кои консумирале поголеми количини на месо биле посклони кон ризик од развој на срцеви заболувања, додека истиот овој ризик бил значително помал кај оние луѓе, кои најголемиот дел од протеините ги црпеле од растителни извори, како што се мешунките и јаткастите плодови.
Истражувачите собрале податоци од 81 000 испитаници и заклучиле дека лицата во чија исхрана превладувало месото биле за 60 отсто посклони кон ризик од развој на срцеви заболувања во споредба со луѓето во чија исхрана доминирале вегански протеини. Кај нив овој ризик бил понизок за 40 проценти.
За добивање на сите есенцијални аминокиселини, важно е да се комбинираат житарки и мешунки, бидејќи само заедно ги обезбедуваат сите потребни аминокиселини
Главниот автор на студијата, Гери Фрејзер од Универзитетот „Лома Линда“ веќе долго време верува дека јаткастите плодови и мешунките во исхраната го штитат организмот од развој на болести на срцето, а оваа студија ја потврдува неговата претпоставка.
Тој потсетил дека вегетаријанството главно се однесува на начинот на исхрана, додека веганството претставува начин на живот. Ниту вегетаријанците ниту веганите не консумираат месо, но вегетаријанците јадат млеко, јајца и мед, додека веганите од исхраната ги исклучуваат сите намирници од животинско потекло.
Фрејзер верува дека првите резултати од истражувањето ќе поттикнат понатамошни студии за тоа на кој начин есенцијалните аминокиселини од протеини од животинско потекло придонесуваат за зголемување на ризикот од срцеви заболувања, но и од покачен крвен притисок, дебелина и зголемување на нивото на маснотии во крвта.
За добивање на сите есенцијални аминокиселини, важно е да се комбинираат житарки и мешунки, бидејќи само заедно ги обезбедуваат сите потребни аминокиселини, на пример, ориз и грашок.
Веганската исхрана во однос на онаа која вклучува се, се разликува по тоа што во организмот не се внесуваат протеини и масти од животинско потекло, а во пирамидата на исхрана тој дел е заменет со производи од соја, мешункасти и јаткасти плодови. Главното место го заземаат житарките, како извор на сложени јаглехидрати, како ориз, просо, пченица, овес… и мешунки кои се извор на протеини, како што е грав, леќа, грашок, наут, соја…
