За да го избегнете високиот крвен притисок, треба да јадете храна со низок процент на сол. Нутриционистите предупредуваат дека против високиот притисок треба да се борите и со моќни минерали: калциум, магнезиум и калиум.
Во продолжение – седум намирници, богати со калциум, магнезиум и калиум, кои природно го намалуваат високиот крвен притисок.
Бел грав
Во гравот има значителна количина на калциум, магнезиум и калиум што благотворно влијае на намалувањето на крвниот притисок. Гравот можете да го јадете во вид на вариво, да го додадете во салати или да го подготвите како пире.
Обичен јогурт
Овој млечен производ е одличен извор на калциум и други минерали кои позитивно влијаат врз здравјето на луѓето. Започнете го денот со јогурт, кој, исто така, може да го искористите и за подготовка на нискокалорични преливи за салати и јадења со месо.
Праските се за многумина омилено летно освежување. Содржат и изобилство на хранливи материи и минерали, кои се добри за здравјето на луѓето. Најдобро е да ги јадете свежи или да подготвите смути од нив
Банани
Со консумирање на една банана со средна големина ќе задоволите 12 проценти од дневните потреби за калиум. Ова егзотично овошје е одличен сојузник во борбата против стресот. Кога бананата ќе стане темна и презреана, не мора да ја фрлате. Замрзнете ја и од неа направете леден десерт.
Киви
Покрај тоа што се богати со витамин Ц, кивијата ќе ви помогнат да го намалите и крвниот притисок. Најдобро е да ги јадете свежи во овошни салати.
Кељ
Овој зеленчук се нарекува уште и суперхрана, бидејќи има многу вредни антиоксиданти, а во исто време малку калории. Младиот кељ е најдобро да се јаде како салата.
Брокула
Сто грама варена брокула на пареа ќе задоволат 6 проценти од дневните потреби за калциум, 8 проценти за магнезиум и 14 проценти за калиум. Овој зеленчук е богат со антиоксиданти, кои го чуваат здравјето, па дефинитивно треба да биде вклучен што е можно почесто во вашето мени.
