Едноставна анализа на крвта ќе може да помогне во откривање на раните знаци на Алцхајмеровата болест, укажува најнова студија.
Според експерите, и до 20 години пред појавата на првите симптоми на Алцхајмеровата болест, како губење на помнењето и конфузија, доаѓа до таложење на протеинот бета амилоид во мозокот.
Комбинирањето на нивото на бета амилоидот со другите два главни ризик фактори за Алцхајмер – возраста и генетската варијација APOE4, може да идентификуваат лица кои имаат рани промени на мозокот, а кои се поврзани со Алцхајмеровата болест со точност од 94 проценти.
Исто така, се смета дека овој крвен тест би можел да обезбеди ефикасен начин на пронаоѓање на лица со рани знаци на болеста, да учествуваат во клинички испитувања на нови лекови за третман на оваа се посериозна болест.
