Откриен е имплант кој лекот го носи директно до мозокот, односно станува збор за имплант кој се вградува во мозокот и кој би го подобрил внесувањето на лековите во клучните органи во човековото тело. Во истражувањето кое претходело, учествувале личности со Паркинсонова болест на кои им бил вграден имплант што ги доставува лековите директно до мозокот низ отвор во главата. Таквата направа се користи за давање на природно присутниот протеин за кој научниците се надеваат дека би можел да помогне во обновата на клетките кои болеста ги оштетила во зафатениот дел од мозокот. Тоа би дало надеж за пациентите кои боледуваат од Паркинсонова болест. Делотворноста на овој начин на достава на лековите го условува фактот дека ова би можело да биде решение за новите начини на лекување на тумори на мозокот, мозочни удари и други дегенеративни состојби. Оваа направа би овозможила потребните протеини да се испратат до зафатениот дел од мозокот со голема прецизност.
Истражувањето инаку е спроведено во соработка со Британскиот здравствен систем. Половина од пациентите кои учествувале во истражувањето примиле месечна доза лекови, додека другата половина од испитаниците примила плацебо. Кај припадниците на двете групи се покажало подобрување кога станува збор за симптомите, а особено кај оние кои ги примиле соодветните лекови.
После 18 месеци, кога сите пациенти примиле доза протеини, двете групи покажале умерени до значителни подобрувања на симптомите. Многу од нив станале поподвижни и почнале да се бават со активности како што е велосипедизмот.
„Сепак, скенерите кај пациентите кои ги примиле потребните протеини покажале дека веќе после првата фаза од лекувањето се случило значително подобрување“, тврдат научниците.
Доктор Алан Вон истакнува дека на овие пациенти болеста им е дијагностицирана осум години пред почетокот на ваквото лекување.
„Снимките покажале дека лекот откако стигнал во мозокот се поврзал со целта, допаминските нервни завршетоци, и, се чини, дека им помага на оштетените клетки во регенерацијата или биолошкиот одговор“, вели Вон и додава дека ваквото подобрување е нешто што претходно било видено во испитувањата за лекување на Паркинсоновата болест.
Доктор Вон истакнува дека постои можност пациентите да реагираат уште подобро во случај на поголема доза на лекови или лекувањето да почнало во порана фаза од болеста.
Професотот Стивел Жил, пак, неврохирург кој ги дизајнирал овие имланти, вели дека ова е прв да се користени во ваков вид на лекување. Верува дека ваквата технологија би можела да биде користена и во лекувањето на туморите на мозокот, за хемотерапии, како и за тестирање на нови лекови за пациенти кои боледуваат од Алцхајмерова болест, како и за оние кои претрпеле мозочен удар.
