Руколата (лат. Eruca vesicaria) е повеќегодишен зеленчук кој на различни начини придонесува за здравјето. Како билка која се јаде се одгледува на Медитеранот уште од римскиот период. Популарно се користи во италијанската кујна, а најчесто се додава во салати бидејќи го засилува вкусот.
Нутритивна вредност
Поради своите нутриенти, руколата го јакне имунитетот и придонесува за детоксикација на телото. Па така, 40 г рукола содржи околу 10 калории и:
- 50 % витамин К
- 20 % витамин А
- 8 % дневна доза на витамин Ц, фолна киселина и калциум
Здравје
Консумирањето на рукола може да го подобри здравјето на бројни начини:
Го намалува крвниот притисок – 100 г рукола содржи повеќе од 250 мл нитрат кој придонесува за намалување на крвниот притисок
Придонесува за превенција на карцином – руколата содржи сулфорафан за кој се смета дека помага во превенција и борба против карциномот. Содржи и клорофил кој го штити телото од слободни радикали.
Превенира остеопороза – доволната количина на витамин К ја подобрува апсорпцијата на калциум и придонесува за здравјето на коските.
Придонесува за здравјето на очите – храната богата со витамин А и К придонесува за здравјето на очите и ги штити од болести.
