Дерматологот Малиса Пилијанг од клиниката Кливленд вели дека до 50-тата година од животот кај повеќето луѓе, половина од влакната на косата стануваат седи, но треба да се загрижите ако тоа се случи пред 35-годишна возраст.
Таа објаснува зошто косата станува седа – станува збор за стареење на меланоцитите во фоликулите на влакната.
„Мелатонинот се создава се помалку, а последица на тоа е сивата коса која со тек на време побелува“, објаснува Малиса Пилијанг, дерматолог
Пилијанг напоменува дека овој процес не е поврзан со кератиноцитите, кои се одговорни за густината на косата, па затоа не треба да се грижиме дека косата ќе се проретчи. Седата коса главно е поврзана со генетиката.
Таа додава дека до 50-тата година од животот половина од луѓето имаат веќе 50 проценти бели влакна.
Сепак, треба да се загрижите ако почнете да обелувате порано. Истражувањата укажуваат на поврзаноста на оваа појава со срцеви проблеми. Според студијата презентирана на конференцијата на кардиолошки друштва во Индија, мажите под 40 години кои ќе почнат прерано да добиваат бели влакна на главата, имаат пет пати поголеми шанси за развој на коронарна болест.
И оксидативниот стрес придонесува за рано појавување на седата коса. Тоа е биолошки процес кој може да ги оштети ќелиите и клетките, а едно истражување покажа и дека стресот е виновен и за стареење на меланоцитите.
Експертите нагласуваат дека не може со сигурност да се тврди дека луѓето кои порано ќе обелат во косата ќе имаат проблеми со срцето, но ако тоа се случи пред 35 години, препорачуваат да се консултира доктор поради можни здравствени проблеми.
Понекогаш појавата на седа коса го предизвикува и неизбалансираната исхрана. Недостатокот на витамин Д3 резултира со губење на меланин, супстанца која и дава боја на кожата и косата. Истото важи и за витаминот Б12.
