Научници од Универзитетот “Ровира и Виргили“ во Шпанија утврдиле дека не сите нискокалорични диети допринесуваат за слабеење и за намалување на ризикот од развој на заболувања на срцето и на крвните садови кај пациенти со метаболен синдром и прекумерна тежина.
Во проучувањето биле вклучени 600 пациенти на возраст меѓу 55 и 75 години, кои имале проблем со дебелината и прекумерната тежина и кои боледувале од метаболен синдром. И покрај фактот дека диетите со ниска содржина на масти и јаглехидрати се сметаат за ефикасни од гледна точка на намалување на телесната тежина и намалувањето на ризикот од појава на болести на срцето и на крвните садови, нема научен доказ дека на долгорочен план се забележуваат позитивни резултати од таквата диета.
Новото истражување, посветено на фундаментално различниот тип на храна – средоземноморската, покажало дека 33,7% од пациентите, кои преминале на оваа диета, една година подоцна намалиле 5% од почетната телесна тежина.
Во споредба со учесниците во истражувањето, кои не ја следеле оваа диета, нивната искористеност на гликозата значително се подобрила. Исто така, постои разлика во фактот што со текот на времето позитивната динамика на губење на тежината продолжува, истакнуваат истражувачите.
Средозменоморскиот тип на диета вклучува консумирање на големи количини на свеж зеленчук и овошје, мешунки, јаткасти плодови и интегрални тетстенини. Освен тоа, се препрачува и да се намали консумирањето на црвено месо и да да се даде предност на рибата и на морските плодови.
