Кофеинот важи за најчесто користениот стимуланс и има свои добри страни – како што се подобра меморија, поголема будност и свесност, но, од друга страна, многу луѓе истакнуваат дека нивниот живот се променил на подобро откако престанале да го внесуваат во организмот.
Еве што сè се случува во телото:
– Подгответе се на тоа дека во првите неколку дена (отприлика 7 до 10 дена) ќе се чувствувате лошо и постојано уморно како последица од намалувањето на кофеинот во организмот. Можете да чувствувате замор, главоболка и силни промени во расположението. Поради тоа би било добро на луѓето околу себе да им кажете дека се одвикнувате од кофеин за да можат да имаат поголемо разбирање за вашата состојба.
– Често не сме ни свесни колку калории внесуваме пиејќи пијалаци кои содржат кофеин. Да нема дилема, не е проблем кофеинот, туку количеството шеќер кој е додаден во пијалаците што го содржат овој стимуланс.
– Ќе имате повеќе енергија во текот на денот, и ќе бидете и посмирени. Кофеинот е стимуланс кој го поттикнува нервниот систем, кој нè прави нервозни и подложни на стрес. Покрај тоа, делува и на крвниот притисок, односно го зголемува.
– И за крај, кафето влијае на метаболизмот, а ако престанете да го пиете тоа би значело дека ќе имате и подобар метаболизам.
