Намирниците пред секоја употреба и консумација, во секоја кујна, треба да се измијат. Меѓутоа, постојат и намирници кои не би требало да се мијат пред нивната обработка. Стручњаците наведуваат за кои намирници станува збор.
Јајца
Повеќето луѓе пред варење ги мијат јајцата, но стручњаците напоменуваат дека за такво нешто нема потреба. Производителите на јајца се грижат за нивната хигиена.
Пилешко месо
Доколку пилешкото месо дојде во контакт со вода, може да дојде до дополнителна контаминација на месото. Имено, миењето на необработено пилешко месо може само да рашири бактерии. Најдобар начин е термичка обработка на месото. Пилешкото ставете го во тенџере и добро сварете го.
Црвено месо
Водата може да го промени вкусот на црвеното месо. Како и кај пилешкото, избегнувајте миење на месото пред подготовка. Препорачливо е парчето месо да се остави на хартија, за да се собере вишокот влага.
Печурки
Печурките кога ќе дојдат во контакт со вода ја менуваат структурата и го губат познатиот вкус. Тие во себе содржат голема количина на вода и затоа нема потреба од дополнително миење, бидејќи на тој начин впиваат течност и стануваат како гумени.
