Што содржат јајцата?
Многу нешта! Витамини А, Д и Е, но и Б12, рибофлавин (Б2) и фолати. Освен тоа содржат и минерали како јод, железо, калциум, цинк и селен.
Јајцата и холестеролот
Можеби сте чуле дека јајцата се лоши затоа што содржат холестерол? Тоа не е вистина! Постои одредено количество холестерол во јајцата, но тоа не е толку страшно бидејќи тоа во прашање не е штетен холестерол кој влегува во крвта, тврдат стручњаците.
Слабеење со јајца
Истражувањата покажале дека појадокот богат со белковини помага при слабеењето. Според едно истражување, нискокалоричната диета во комбинација со редовно појадување јајца може да помогне двојно побрзо да ослабете. Јајцата даваат долготрајно чувство на ситост.
Јајцата го зајакнуваат имунитетот
Истражувањата покажале дека само две јајца на ден помагаат во борбата против воспаленија, вируси и општо болестите. Јајцето содржи 22 проценти од препорачаниот дневен внес на селен – елемент кој го зајакнува имунитетот.
Подобро памтење
Дали сте чуле за аминокиселината колин? Делува на нервните сигнали кои ни помагаат да се сетиме на сите ситници кои се случуваат од ден во ден – а се наоѓа во јајцата.
Чудо за очите
Лутеинот им помага на очите да го задржат чистиот и остар вид. Новите истражувања покажале дека јајцата од кокошка се богати со лутеин. Инаку, лутеинот очите природно го произведуваат, а тој ја штити мрежницата од оштетувања.
Ја намалуваат депресијата
Витаминот Д особено во зима кога нема сонце, ни е потребен во поголеми количества. А во тоа можат да ни помогнат јајцата. Освен што ја намалува депресијата витаминот Д ги зајакнува коските и забите. Јајцата, исто така, содржат калциум – кој ги зајакнува коските и го спречува создавањето на остеопороза.
Добри се за крвта
Содржат многу фолати, односно односно одреден тип витамин Б кој е нужен за создавање нови црвени крвни зрнца. Луѓето кои немаат доволно фолати патат од анемија.
Го забавуваат стареењето
Јајцата содржат аминокиселини кои помагаат при создавањето и регенерацијата на клетките.
Се намалува ризикот од срцеви болести
Канадските научници откриле јасна врска меѓу консумирањето јајца и намалениот ризик од кардиоваскуларни болести, како и одредени видови рак. Во што е тајната? Јајцата содржат два важни антиоксиданти: триптофан и тирозин.
Ги градат мускулите
Многумина кои сакаат поголеми мускули јадат повеќе јајца – и тоа со причина. Јајцата се полни со белковини кои се круцијални за раст на мускулите.
Ја штитат кожата, косата и телото
Јајцата содржат многу витамин Б и омега-3 масни киселини. А тие помагаат да се одржат здрави кожата, косата и ноктите.
Сигурно знаевте дека јајцата се добри за вас, но можеби сега ќе ги гледате во поинакво светло.
