Идодека делта варијантата на коронавирусот се шири низ светот, стручњаците се прашуваат дали желбата за создавање на колективен имунитет со вакцинација и понатаму е изводлива. Колективен имунитет се постигнува во моментот во кој одреден дел од популацијата е вакциниран против патоген или ја прележал инфекцијата.
Дали е тоа остварливо кога е во прашање КОВИД-19 поради постојаното појавување на позаразни варијанти, е отворено прашање.
“Ако прашањето гласи ‘дали само со вакцинирање ќе ја контролираме пандемијата’, одговорот е негативен“, вели францискиот епдиемиолог Мирчеа Софонеа, професор на Универзитетот во Монпелје.
Тој вели дека колективниот имунитет зависи од два темелни фактора.
“Тоа се заразноста на вирусот и ефикасноста на вакцините да штитат од инфекцијата. Во овој момент тие ефикасности ги нема“.
Делта сојот е речиси 60 проценти попренослив од алфа варијантата и двојно позаразна од изворниот сој, кој се појави кој крајот на 2019 година.
Колку вирусот е поефикасен во ширење на заразата, толку прагот за колективен имунитет се зголемува.
“Теоретски, тоа е многу едноставна математика“, вели епидемиологот Антоние Флахаулт, директор на Институтот за јавно здравје на Франција.
Изворната варијанта на коронавирусот имаше репродукциска стапка помеѓу нула и три, што значи дека едно заразено лице може да зарази до три други лица. Така да останеше, колективен имунитет би се остварил по вакцинирање на 66 проценти од луѓето“, вели Флахаулт.
“Но, ако репродукциската стапка е осум, како што е на делта, тоа не доближува до бројка од 90 проценти“, објаснува тој.
Сето ова важи под услов да вакцините се стопроцентно ефикасни во стопирање на делта варијантата, а знаеме, дека за жал, не се.
НАД 100 ПРОЦЕНТИ ВАКЦИНИРАНИ
Според податоците на американските научници, ефикасноста на Вакцините Фајзер и Модерна во спречување на инфекција е падната од 91 на 66 проценти откако делта стана доминантна варијанта.
А откако студиите покажаа дека имунитетот стекнат со вакцина сам по себе опаѓа со тек на времето, беколку земји веќе почнаа со вакцинирање со трета доза, или бустер доза.
Земајќи го сето предвид, Софонеа вели дека повеќе од 100 пеоцнети од луѓето би требало да бидат вакцинирани за да се спречи пренос на вирусот,што од очигледни причини е невозможно.
“Делта може да зарази и вакцинирани, а тоа значи дека секој невакциниран во даден момент ќе се сретне со вирусот“.
СИТЕ ПАНДЕМИИ ЕДНАШ ЗАВРШУВААТ
Но, дури и ако таа митска цел за колективен имунитет повеќе не е во игра, стручњаците истакнуваат дека вакцинирањето е најважно. Вакцината неспорно нуди одлична заштита од потешко заболување.
“Научниците препорачуваат да се вакцинираат што повеќе луѓе“, истакнува Флахаулт и додава дека со тек на време, сите пандемии завршуваат.
Софонеа вели дека се уште е можно КОВИД-19 да стане уште една ендемска болест, “но не само со помош на вакцините“.
Тој предвидува дека и понатаму треба да се носи маска за лице и да се одржува физичка дистанца.
“За време на пандемијата со АИДС, кога научниците рекоа „носете кондоми’, многумина рекоа – ‘во ред, ќе носиме некое време“, потсетува Флахаулт.
“А, на крајот продолжија да ги користат. И во овој случај би можело да се случи да уште многу долго продолжиме да користиме маски во затворени простори и во јавниот превоз“.
