СМОКВИ: Вистинска ризница на минерали и витамини

Препорачливо е да се јадат свежи, бидејќи се богати со ензими и антиоксиданти и хранливи материи кои се губат со термичка обработка

Смоквите се одличен извор на влакна и го подобруваат варењето на храната

Смоквите содржат и до 80 проценти вода, а истовремено се овошје со највисоко ниво на природни шеќери, па се исклучителен извор на енергија. Ја подобруваат и работата на мозокот, концентрацијата и меморијата.

За многумина смоквите се омилено летно овошје. Освен што се вкусни, може да се користат и за лекување на убоди од инсекти (при угризи и убоди од инсекти, пајаци и други животни се користи облог од суви смокви), а од дамнина се сметаат за одличен афродизијак.

  • Смоквите се супер извор на влакна и одлично влијаат на здравјето на дебелото црево и го подобруваат варењето на храната;
  • Постојат повеќе од 150 видови смокви, кои се разликуваат според бојата;
  • Тие се вистинска ризница на минерали и витамини;
  • Треба да се јадат свежи, бидејќи се богати со ензими и антиоксиданти и хранливи материи кои се губат со термичка обработка;
  • Содржат дури 80 % вода и природни шеќери и брзо се варат;

Смоквите имаат антитуморно дејство и го забавуваат развојот на одредени клетки на ракот

  • Белиот млечен сок од смокви се користи за отстранување на брадавици;
  • Луѓето кои имаат зголемено ниво на калциум во крвта треба да ги избегнуваат смоквите;
  • Поради лаксативното дејство, не се препорачуваат за луѓе кои страдаат од воспалителни болести на цревата;
  • Сувите смокви се концентриран извор на минерали, витамини и антиоксиданти;
  • Богати се со бета каротен, па затоа се препорачува да се јадат смокви неколку дена пред сончање;
  • Свежите смокви делуваат смирувачки при воспаление на бронхиите.
  • Свежите смокви брзо се расипуваат, па треба веднаш да се јадат или да се чуваат во фрижидер, каде што може да останат неколку дена.