Околината во која живееме е преполна со вируси кои лесно се шират, а д нив треба да не штити имуниот систем. Но, доколку овој систем не функционира правилно и неговата функција е намалена, тогаш стануваме подложни на грип и на настинки. Постојат неколку природни лекови со кои оваа состојба лесно може да се превенира.
Медот е полн со витамини, минерали, ензими и и антиоксиданти кои во комбинација со лукот се корисни за подобрување на имунитетот. Лукот помага белите крвни зрнца да се борат против вирусите. Се препорачува во тегла мед да се стават осум чешниња лук и еднаш дневно да се консумира лажица од овој мед.
Куркумата и ѓумбирот исто така помагаат при пад на имунитетот. Може да се комбинираат така што во три шолји врела вода се додава парче од 2-3 сантиметри свеж ѓумбир, исечкан на парченца и една лажица куркума. Се остава да стои пет до десет минути. За подобар вкус се додава лимон и мед.
Лимонот содржи голем процент на витамин Ц, кој докажано го подига имуниот систем. Во една чаша топла вода исцедете половина лимон и веднаш испијте бидејќи побрзо делува додека е топло.
Зелениот сок содржи многу антиоксиданти и витамин Ц, а за негова подготовка потребно ви е малку спанаќ, два портокала, малку целер и малку ѓумбир. Сетоа тоа изблендирајте го и веднаш консумирајте го.
