Во стресни ситуации дишењето и пулсот се забрзуваат и може да се случи да дишеме испрекинато или да го задржуваме здивот. Во такви околности неопходно е да се посвети внимание на правилното дишење.
Застанете за миг и концентрирајте се на дишењето – за време на вдишувањето (кое би требало да трае неколку секунди) гледајте стомакот да го наполните со воздух т.е. да дишете со стомак, а не со градниот кош. Со секое издишување би требало да се чувствувате поопуштено. Бројте до 5 и потоа повторно до 5 додека издишувате. Како што ќе почне да се забавува вашето дишење, така и телото ќе се опушти.
