Вечната младост навистина е сон, но многу често ни се случува да сретнеме некој кој прекрасно изгледа со младешки и сјаен изглед во повозрасна доба. Кога ги откриваат своите тајни, овие лица секогаш велат дека тоа е златна средина во се што прават и што јадат. Внесувањето храна која е штетна за нашето здравје доведува до разни болести, нарушување на енергетскиот баланс, депресија, а понекогаш има и неповратни последици. Необмислената и хаотична диета што ја спроведуваме најчесто доведува до привремено губење на тежината и трајна штета на организмот.
Она што ни треба на секој од нас е балансирана исхрана која вклучува јаглехидрати, протеини, масти и влакна. Само на овој начин можеме да обезбедиме добро здравје и долг живот. Стареењето е процес во кој клетките стануваат плен на надворешените фактори. Ако клетките ни се здрави и добро обезбедени со кислород, стареењето може значително да се одложи.
Авокадо
Авокадото е храна која има најсилен алкализирачки ефект. Богато е со витамин Е и придонесува за здрав изглед на кожата и сјај на косата. Редовно консумирајте свежо авокадо како додаток на салатите и тоа ќе спречи предвремено појавување на брчки на лицето.
Лиснат зелен зеленчук
Зелениот и лиснат зеленчук како брокула, спанаќ, зелена салата е исклучително корисен поради високата содржина на фолна киселина во нив, која заедно со витамините помага да се детоксицира телото и да се поправи состојбата на оштетените клетки.
Лук
Лукот е еден од најголемите дарови на природата за човекот. Неговите квалитети и придобивки се безбројни, особено ако се консумира суров. Ова се само некои од нив – ја разредува крвта и на тој начин штити од срцеви заболувања, го зајакнува имунитетот, го стимулира функционирањето на дебелото црево, го спречува создавањето на тумори.
Сурови јаткасти плодови
Јаткастите плодови како бадеми, лешници, кикирики, ореви – се корисни за мозочната активност и за организмот во целост. Со секојдневното консумирање брзо се надминува менталниот замор, а на телото му обезбедуваме чиста енергија.
Боровинки
Боровинките се рангираат на прво место по содржината на антиоксиданти кои ги уништуваат слободните радикали и на тој начин го забавуваат стареењето. Антиоксидантите се, исто така, поврзани со производството на колаген, кој ја одржува кожата еластична и мазна.
