Кога се прави сирење она што настанува како нуспроизвод е сурутката. Таа се смета за еден од најздравите пијалаци, бидејќи е богата со витамини, минерали и шеќери кои му се потребни на целиот организам, а особено се битни за правилно функционирање на мозокот. Има благо киселкаст вкус кој освежува и е поздрава од млекото, па се препорачува да се консумира наместо него. Еве дел од бенефитите на сурутката…
Го намалува стресот и заморот
Сурутката природно влијае на производството на хормонот серотонин кој е одговорен за чувството на задоволство и среќа. Покрај тоа, исто така, е богата и со аминокиселината триптофан, која влијае врз расположението, но и сонот.
Природен лек за црниот дроб
Сурутката може да отстрани многу заболувања на црниот дроб ако се консумира редовно. Бета-лактоглобулинот од неа му ја обезбедува на организмот аминокиселината BCAA која успешно се бори со болестите, а на излекуваните им го прави животот многу подобар, црниот дроб – посилен. Се смета за најдобар „чистач“ на црниот дроб.
Го намалува крвниот притисок
Сурутката е одличен лек за намалување на крвниот притисок и генерално, за одржување на крвните садови.
Одлична за губење на тежината
Поради малиот број на калории, а високо ниво на протеини, сурутката ги храни мускулите и го прави организмот да се чувствува сит. Одличен пијалак за сите луѓе кои сакаат да ослабат или да одржат витка фигура без многу напор.
Сурутка како суплемент
Наместо различни протеински пијалаци, може да приготвите сурутка во прав или да ја додадете на смути или шејкови. Како што веќе спомнавме, таа ги храни мускулите и ги гради, а одлична е за нивно закрепнување после тренинг.
Го чисти стомакот
Дали имате проблем со запек? Сурутката може да ви помогне бидејќи го олеснува варењето и го забрзува метаболизмот. Се разбира, не треба премногу да ја употребувате, бидејќи може да предизвика дијареја. Еден литар сурутка дневно е идеална мерка за здравје и спречување на проблеми со стомакот.
Ги регулира маснотиите во крвта
Со сурутка, а без лекови, можете да ги контролирате триглицеридите и холестеролот во крвта. Се разбира, треба да внимавате и на исхраната, но сурутката во секој случај ќе ви помогне да не дојде до овој проблем.
