Секој знае дека редовното консумирање на вода е корисно, но малкумина се свесни дека температурата може да ја направи водата уште подобра. Ова се бенефитите од уживањето во ладна и во топла вода.
ЗОШТО ДА СЕ ПИЕ ЛАДНА ВОДА?
Кога сме навистина жедни, нема подобро од чаша ладна, освежувачка вода. Затоа, во текот на жепките, летни денови или по интензивниот тренинг на сите им годи чаша ладна вода. Ладната вода има уште добри страни:
- Помага во согорување на повеќе калории. Со воведувањето на ледено-ладна вода во организмот, телото почнува да троши повеќе енергија во обидот да ја нормализира температурата. При тоа, се забрзува метаболичкиот процес троши повеќе калории.
- Ладната вода ја намалува температурата на телото. Пиењето ладна вода помага во зачувување на телото од претоплување, особено при работа на повисоки температури. Непотребното зголемување на телесната температура може да го оптовари срцето бидејќи крвните садови имаат тенденција на ширење. Консумирањето ладна вода со цел да се намали телесната температура, исто така помага во спречување на дехидрација која може да се појави поради прекумерно потење.
- Ладната вода разбудува. Чувствувате летаргија и поспаност, а не сакате да пиете кафе? Испијте чаша ладна вода. На тој начин се зголемува бројот на отчукувања на срцето што предизвикува бран на адреналин кој ќе ве разбуди.
- Може да го подобри расположението. Според мислењето на стручњаците, јадењето сладолед може да го стимулира орбитофронталниот кортекс – подрачје на мозокот одговорно за расположението. Сигурно е дека и ладната вода може да помогне во подогање на расположението. Најдобра работа е дека водата не содржи шеќер и калории, како сладоледот.
ЗОШТО ДА СЕ ПИЕ ТОПЛА ВОДА?
Според ајурведската медицина пиењето топла вода помага во подобрување на дигестијата, ги намалува нуспродуктите на метаболизмот и поттикнува исцелување. Најдобро време за консумација е наутро, по будење. Ова се некои од останатите предности:
- Нуди олеснување на болката. Од главоболка, немирен желудник до менструални грчеви, внесот на топла вода овозможува да се носите со болката без лекови. Консумирањето топла вода веднаш има смирувачки ефект на телото, со што се овозможува опуштање на нервите и мускилите.
- Помага во спречување на предвремено стареење. Топлата вода е поефикасна при испирање на насобраните токсини во телото, од ладната вода. Со ослободување на телото од отпадните материи, кожата станува помека и посјајна. Исто така, поттикнува производство на структурни протеини – колаген и еластин, што ја затегаат кожата и ги намалуваат брчките.
- Топлата вода поттикнува работа на цревата. Тоа е затоа што помага во разбивање на храната на помали честички, дозволувајќи им да полесно да поминуваат низ гастроинтестиналниот тракт. Пиењето топла вода помага во спречување на запек, како и останати симптоми поврзани со тоа, како надуеност, гасови и грчеви во стомакот.
- Поттикнува подобра дигестија. Пиењето ладна вода за време и по оброк може да предизвика затврднување на мастите и маслата во храната, што ќе го отежни процесот на дигестија. Топлата вода општо е добра за дигестивниот процес бидејќи помага во разградување на храната и поттикнува подобра апсорпција на хранливите состојки.
