Урмите се намирница која во голема мера се користи во земјите кои во својата национална кујна користат многу силни и лути зачини. И тоа заради повеќе причини.
Утврдено е дека урмите превенираат дијареја и ја запираат. Исто така, се одличен избор и ако имате каков било вид стомачен вирус или труење со храна. Содржат калиум кој го контролира исфрлањето на содржината од цревата. Можат и да помогнат полесно да се опоравите ако претходната вечер сте славеле и во организмот сте внесле малку повеќе алкохол. Сигурно се прашувате како треба да ги консумирате?! Одговорот и рецептот се едноставни – само потопете ги во вода, оставете ги да отстојат во текот на ноќта и следниот ден изедете ги на празен желудник.
Можеби после бурна ноќ не ви е до ништо, а не па до тоа да јадете слатко, но обидете се да изедете неколку урми – ќе ви бидат од голема помош.
Урмите содржат сахароза, глукоза и фруктоза така што претставуваат и одлична ужина меѓу оброците или на крајот од денот и брзо ја враќаат енергијата кога сме уморни. Она што треба да го знаете е дека и САМО неколку урми дневно нема да влијаат на линијата, а со нивно додавање во шејковите, на пример, автоматски тие стануваат поздрави, повкусни и попримамливи.
СОВЕТ ПЛУС: Редовните оброци можат да ги спасат празниците
Нема ништо лошо во тоа да се опуштите и почестите за време на празниците, но сепак не е лошо да се води сметка за тоа што ќе јадете и пиете и во колкави количества. Трудете се да го одржувате ритамот на кој сте навикнати, доколку сте на посебен режим на исхрана не го прескокнувајте времето за оброци. Пет оброци дневно е формулата до која треба да се држите, а два од нив треба да содржат овошје или зеленчук. Ако се држите до ова едноставно правило со уште минимум 1,5 л вода, организмот нема да се оптовари ниту со одвишни калории ниту со храна која содржи големи количества соли, а, секако, и со алкохол.
