Клер Хакинс Масингам од Австралија зрачи со среќа и задоволство – бидејќи пред само еден час на свет донела прекрасно мало суштество. „Погледнете, вака изгледа мојот стомак еден час по породувањето. Носам и пелени – но јас сум најсреќната жена во светот!“
Со оваа интимна објава, Клер испрати порака до сите новопечени мајки: сакајте го вашето тело, бидете горди на себе и на чудото кое сте го донеле на свет. Да кукате поради стрии, растегната кожа, стомак, кој уште некое време ќе изгледа како да не сте се породиле… – се се тоа глупости, кога ќе помислиме каква величенствена работа завршило вашето тело за да донесе на свет едно ново битие.
Слично размислува и 21-годишната блогерка Хадас Енклиф – освен што нејзините фотографии се неверојатно шармантни, тие пренесуваат и важна порака: Чувствувајте се добро во своето тело!
Хадас веќе го привлече вниманието на социјалните мрежи со фотографија на која го дои бебето на својата венчавка. Доби многу позитивни реакции, но се разбира, имаше и дежурни хејтери…
Блогерката сега објави фотографии на Инстаграм каде го покажува својот гол стомак и им порачува на сите мајки дека нема никаква причина да го кријат својот стомак после породувањето.
„Среќна сум што веќе немам никакви проблеми да ги покажам моите „маани“, напиша таа под фотографиите.
