Резултатите од најновата студија покажале дека вегетаријанската исхрана го намалува ризикот од срцеви заболувања, но го зголемува ризикот од мозочен удар, пренесува Би-би-си. Истражувањето е објавено во угледниот британски магазин „Британски медицински журнал“, е спроведено над 48 000 луѓе, ја опфатило нивната исхрана и здравствената состојба во период од 18 години. Веганите и вегетаријанците во просек имале 10 случаи помалку срцеви заболувања на 1000 испитаници во споредба со оние кои јадат месо, но и три случаи повеќе мозочен удар.
Стручњаците за исхрана сметаат дека без оглед на изборот на исхрана, консумацијата на широк спектар храна е најдобра опција за добро здравје.
Половина од учесниците во студијата во периодот од 1993 до 2001 биле луѓе кои јадат месо. Набљудувани се и нешто повеќе од 16 000 вегетаријанци, но 7 500 личности кои јадат само риба. Научниците ги испитувале за нивната исхрана и здравствената состојба кога се придружиле кон студијата и повторно во 2010 година. Ја бележеле нивната медицинска историја, физичката активност, но и дали се пушачи. Забележале дека испитаниците кои од месо јадат само риба имаат за 13 отсто помал ризик од срцеви заболувања во споредба со личностите кои јадат месо, додека вегетаријанците и веганите имале за дури 22 отсто помала веројатност. Од друга страна, оние на растителна исхраната имале за 20 отсто поголем ризик од мозочен удар. Истражувачите сметаат дека тоа може да се поврзе со ниските нивоа на витамин Б 12 во организмот, но нагласуваат дека за потврда на оваа теза се потребни понатамошни истражувања.
