Ви се јаде нешто слатко или солено? Храната која ви паѓа на памет зборува многу за вас

Сите знаеме за она чувство кога сме во состојба на направиме се за парченце чоколадо, кафе, чипс... Овие потреби откриваат многу повеќе од што мислите.

Копнеете за солена храна: Студиите покажуваат дека желбата за солена храна се зголемува кога опаѓа расположението, па грицкањето, на пример, чипс е само обид да го подобрите.

Техника за избегнување: Витаминот Ц (кој се наоѓа во цитрусното овошје и зелениот зеленчук) и калиумот (од смоквите и сувото грозје) во голема мера можат да ви помогнат со оваа последица која се јавува како резултат на брзото живеење.

Копнеете по лута храна: Веројатно, имате недостаток на цинк во организмот. Тоа создава чувство на замор и летаргија, па во тие моменти имате поголема потреба за зачинети залчиња.

Техника за избегнување: Погрижете за да јадете на секои три часа, вклучувајќи во исхраната многу протеини, како што се костенесто овошје, семки и галети од ориз со путер од кикиритки.


Копнеете по кофеин: Веројатно, сте уморни, здодевно ви е или едноставно сте го навикнале организмот на одредена доза кофеин. Ако пиете кафе кога сте под стрес имајте го на ум фактот дека така само ја влошувате состојбата.

Техника за избегнување: Не ви е потребно кафе, туку вода за да го поткренете нивото на енергија. Чувството на замор најчесто е знак на дехидратација. Чаша вода ќе ви биде од многу поголема корист, и тоа на подолг рок.



Копнеете по слатки: Веројатно, сте под стрес. Според истражувањата, потребата за шеќер е начин на кој нашиот организам се труди да се избори со интензивниот притисок.

Техника за избегнување: Одете на прошетка. Студиите покажуваат дека 15 минути лесна прошетка може да ја намали желбата за слатки. Вежбањето ги балансира невротрансмитерите во мозокот и го зголемува нивото на серотонин (хормон одговорен за чувството на опуштеност, оптимизам и среќа), а со самото го ублажува стресот заради кој толку копнеете по парче чоколадо.


Копнеете по тестенина – Веројатно, се чувствувате нерасположено или имате ПМС. Доколку сте уморни или нерасположени нивото на серотонин опаѓа, па како резултат на недостаток на овој хормон на среќа вашиот организам преку јаглените хидрати се обидува да го надомести.

Техника за избегнување: Јадете интегрална тестенина и храна со низок гликемиски индекс, како што сладок компир и тиква. Оваа храна обезбедува помал пораст на нивоата на шеќер во крвта и полека се вари, обезбедувајќи му на организмот повеќе енергија која подолго трае.