Внимателно! Навики во исхраната кои го забавуваат метаболизмот

Многумина велат дека не можат да изгубат некој килограм поради нивниот „бавен“ метаболизам, а навистина и не знаат што значи тоа.

Метаболизмот е процес при кој храната и пијалаците се претвораат во енергија. Многумина често велат дека не можат да ослабат затоа што имаат „бавен“ метаболизам, а всушност несвесно и самите се виновни за тоа. Ова се најчестите грешки се прават и заради кои се забавува овој важен процес во организмот.

Пијте кафе, но без претерување затоа што кофеинот го стимулира централниот нервен систем, кој, пак, може да го засили метаболизмот за дури 12 проценти, предизвикувајќи да консумирате до 100 калории повеќе дневно.

Важно е да се јаде почесто, но помалку! Нутриционистите препорачуваат пет оброци на ден, дури и ако тоа е мала количина здрави ужини, како што се ореви или банани. Факт е дека редовните оброци спречуваат прејадување.

Не ги заборавајте млечните производи иако е широко распространето мислењето дека ќе ослабете побрзо и ќе имате посилен стомак ако ги исфрлите млекото и јогуртот од менито. Повеќе истражувања покажале дека млечните производи помагаат во растот на мускулите, што пак води до побрз метаболизам.

Протеините треба да имаат важно место во вашата исхрана затоа што телото треба да ја одржува мускулната маса, иако некои студии всушност покажале дека со додавање протеини се консумираат до 35 проценти повеќе калории на ден.

Не јадете јаглехидрати?! Но треба да знаете дека на вашето тело му се потребни бидејќи се извор на енергија. Затоа обидете се да вклучите добри јаглехидрати како, на пример, моркови и пченка.