За мускули, коски, нерви… Ако не сакате млечни производи, калциумот може да го обезбедите и од овие намирници

За изградба на коските, контракција на мускулите, пренесување нервни сигнали, лачење хормони и ензими неопходен е калциумот. Заради тоа е важно нивото на овој минерал во организмот да биде стабилно

Доколку не го внесуваме во доволни количества, калциумот се ослободува од коските, а доколку таквата состојба потрае коските почнуваат да пропаѓаат. Густината на коските се зголемува со бавење со физичка активност во  кои коските и мускулите работат „против“ гравитацијата како што се одењето, трчањето и аеробикот, додека пливањето или возењето велосипед не влијаат на густината на коскената маса. Добри извори на калциум се млекото, сирењето, јогуртот и другите млечни производи, но ако ако од која било причина ги одбегнувате овие здрави намирници постојат и други добри извори на калциум кои не се од млечно потекло:

Брокула

Овој „суперзеленчук“ содржи есенцијални нутритиенти, витамини А и К и минерали – магнезиум, цинк и фосфор, но и исклучително високо количество на калциум кој телото лесно го апсорбира.

Бадеми

Одличен извор се на калциум. Во 100 грама од овој јаткаст плод има дури 264 мг калциум.

Портокал

Еден портокал во текот на денот ќе обезбеди околу 70 мг калциум, а истовремено е полн и со витамин Ц.

Смокви

Ова овошје е богато со антиоксиданти и влакна. Само пет суви смокви обезбедуваат 135 мг калциум.

Сардини

Полни се со омега-3 масни киселини. Една конзерва сардини има околу 350 мг калциум, а во „пакетот“ добивате и витамини Б12 и Д.

Листест зеленчук

Овој зеленчук има мошне малку калории, ни малку масти и високо ниво на влакна и калциум. Кељот да речеме е одличен прилог со главното јадење за ручек или вечера, а добар извор на калциум е и спанаќот. Ако не сакате готвен, јадете го свеж во салата или како додаток со омлет за појадок.

Бел грав

Гравот е богат со протеини, железо и здрави влакна, но е и одличен извор на калциум. Само 100 г бел грав содржи 15 мг од овој важен минерал.