Здравата исхрана навистина не мора да биде скапа, може да ја најдете во секој супермаркет и да ја подготвите дома на наједноставен начин. Но она што многумина и понатаму ги мачи е како да ја засакаат здравата храна, која помага да живеете поздраво, да се чувствувате подобро и да спречите многу тегоби? Не грижете се, тоа е многу поедноставно отколку што изгледа. Ви донесуваме 5 совети кои ќе ве воодушеват и препородат, а, исто така, и ќе ви помогнат секојдневно да користите здрави намирници.
- Комбинирајте здрави намирници со оние што се помалку здрави, а без кои не можете
Додадете кељ во омлетот со сланина или зеленчук во тестенините. Оние малку похрабрите ќе пробаат и авокадо во хамбургер.
- Ништо без зачини
На одредени здрави намирници им недостасува „вкус“. Обидете се да ги зачините и тоа со лимон, лук, сушени домати, соја сос, цимет или оцет…
- Пронајдете здрава храна која ви се допаѓа
Имате свое омилено јадење, но тоа никако не е салата? Едноставно во омиленото јадење додадете од зеленчукот кој го сакате и намалете ја количината на месо.
- Во друштво е позабавно
Обидете се со колешката на работа да се договорите секоја од вас да направи сопствена верзија на здраво јадење. Зошто да не организирате и здрави вечери дома за вашите пријатели?
- Здрави замени за слатко и солено
Пред се, заборавете на слатките и сите оние празни калории од кои немате корист. Заменете ги слатките сокови со здрави смути, а чоколадите со јаткасти плодови и овошје. Наместо да ја употребувате солта во подготовка на храната, обидете се со користење на лимон. Подгответе си сами свој пијалок: во шише со вода ставете кришки овошје, краставици и нане. Одличен пијалaк како замена за сокови.
