Животот со коронавирусот не научи на нови навики кои може да не заштитат од болести. Но, дури и ако носите маска и внимавате на дистанцата и миете раце, постојат некои вообичаени навики кои можат се да поништат, а веројатно за нив и не сте свесни. Науката вели дека чепкањето нос е една од нив.
- ЧЕПКАЊЕ НОС
“Не е новина дека чепкањето нос значи и полесен пристап на бактериите во организмот, но можеби не знаете дека со тој чин, со прстот во носот внесувате бактерии и вируси кои се наоѓаат на рацете,а токму тоа е она што не го сакате“, појаснува д-р Пол Потингер, специјалист за инфективни болести од Вашингтон.
Носот е идеален пат за внес на вируси бидејќи во него се наоѓа тенка и чувствителна кожа на која лесно се создаваат ранички, особено кога го чепкате носот, а низ нив во организмот може да влезат и за око невидливи честички. Значи, време е да заборавте на оваа лоша навика.
- ГРИЦКАЊЕ НОКТИ
Потребата за грицкање нокти може да се јави при нервоза, возбуденост или здодевност, но секако е многу лоша идеја во период кога се заканува коронавирусот. Проф. Ели Мурај, епидемиолог на Универзитетот во Бостон нагласува дека ова е исклучително едноставен начин за внес на вирусот ов организмот.
“Што и да правите што му помага на вирусот да влезе во организмот преку тенката слузница на лицето, само го зголемува ризикот од зараза“, појаснува таа.
- ДЕЛИТЕ ЧАШИ, ЧИНИИ…
Прибор за јадење, храна или чинија… се се тоа работи што денес не треба да ги споделувате со други, бидејќи тоа е идеален начин за пренесување на вирусот. Студија спроведена од Центарот за контрола и превенција на болести потврди дека делењето садови за јадење може да ги зголеми шансите да се заразите дури за три пати.
- ГО ДОПИРАТЕ ЛИЦЕТО
Еден од првите совети на стручњаците, кога започна пандемијата сè уште е тежок за прифаќање. Иако носењето маска ќе ја олесни задачата, навиката да ги допирате очите, носот, лицето и устата со рацете е толку потсвесна што сите, порано или подоцна, сепак ќе го допреме и тоа нема воопшто да го забележиме.
„Со оглед на бројот на површини што ги допираме во текот на денот, допирањето на лицето со валкани раце значително ќе ги зголеми шансите да го пренесете вирусот во телото“, вели д-р Вандана Пател. и додава дека е важно да се биде свесен за навиката за допирање на лицето, тргањето коса од лице или фаќање на мозолчињата и советува да се избегнуваат овие активности по секоја цена.
