Зoшто е добра комбинацијата на куркума и јогурт?

Куркуминот го забрзува метаболизмот и го забавува растот на масните наслаги, додека јогуртот создава подолго чувство на ситост и го стимулира варењето

Куркумата е зачин кој често се користи во азиската кујна и има многу позитивни ефекти врз организмот. Куркумата и јогуртот се одлична комбинација за слабеење, но и за полесна консумација на популарниот и корисен зачин.

Куркума – лековити својства

Куркумата е еден од најздравите зачини, кои можете да ги додадете во секојдневната исхрана. Доаѓа од истото семејство како и ѓумбирот.

Докажани се нејзини бројни позитивни ефекти врз здравјето. Куркумата содржи куркумин, состојка која има антиоксидантни и антивоспалителни својства. Куркумата има бројни здравствени придобивки:

  • придонесува за подобрување на меморијата,
  • помага во борбата против некои видови на рак,
  • може да превенира или успори создавање на крвни згрутчувања,
  • помага кај артритис,
  • може да биде корисна за луѓето кои имаат дијабетес,
  • може да го забави растот на масните наслаги итн.
Куркумата содржи куркумин, состојка која има антиоксидантни и антивоспалителни својства

Куркумата може да ја додавате во различни индиски јадења или како дополнителен зачин на обичните јадења, како пржени јајца, супа, ориз. Имајте на ум дека овој зачин има прилично интензивен вкус.

Ако сакате да ја консумирате за здравје, куркумата и медот се одлична комбинација, но важно е со куркумата да земете и црн пипер поради подобра апсорпција на куркуминот во телото.

Куркума и јогурт за губење на вишокот на килограми

Истражувањата покажале дека куркумата помага при согорување на мастите од црниот дроб, што е важно за губење на тежината. Јогуртот, кој, исто така, го стимулира губењето на тежината, може да се комбинира со куркума за побрзо губење на вишокот на килограми. Куркуминот меѓу другото го забрзува и метаболизмот, а го забавува растот на масните наслаги. Јогуртот создава подолго чувство на ситост и го стимулира варењето. Комбинацијата на куркума и јогурт поради својата хранлива вредност во ајурведската медицина се дава во случај на анемија.