Бананите може да помогнат при несоница, тврди д-р Ален Мандел. Тој советува во случај на несоница, половина час пред спиење, да изедете банана за подлабок сон и за да се разбудите освежени.
Ова овошје е полно со витамин Б6, кој делува така што ја претвора аминокиселината триптофан – важна за добар сон и расположение, во серотонин, невротрансмитер кој го контролира лачењето на мелатонин во епифизата во мозокот.
Хормонот мелатонин, познат и како хормон за спиење, го контролира нашиот внатрешен часовник и поради неговото зголемено лачење, навечер се чувствуваме поспани.
